CRTVG

Buscar

Traballadores de Alcoa en San Cibrao levan as súas reivindicacións a Madrid

Publicado o 22/01/2020 20:00

• Reclaman que se aprobe canto antes o estatuto para as empresas electrointensivas

Traballadores de Alcoa en San Cibrao maniféstanse en Madrid ante os ministerios de Transición Ecolóxica e Industria e ante do Congreso dos Deputados. Reclaman que se aprobe canto antes o estatuto para as empresas electrointensivas que permita abaratar o prezo da enerxía e garanta a continuidade da única fábrica que ten Alcoa en España.  

Á unha da madrugada saían da estación de Viveiro os autobuses con dirección a Madrid. Nas manifestacións diante do Ministerio de Transición Ecolóxica, que tamén pasarán polo de Industria, e acabará diante do Congreso arredor da unha da tarde, participarán traballadores das principais plantas industriais de España. Tras tres consellos de Ministros, os sindicatos reclaman que non se demore máis a aprobación do prometido estatuto para a industria electrointensiva que garanta o seu futuro.

Nas últimas horas, a ministra de Industria pedía confianza. Aseguraba que o Goberno negociou o contido do decreto con Bruxelas e que todo depende agora duns informes.

Mañá hai reunión da mesa de seguimento en Lugo en que vai participar un representante do Ministerio de Industria, da Xunta, de Alcoa e do comité de empresa.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

22/01/2020