CRTVG

Buscar

Teresa Rodríguez non seguirá á fronte de Podemos en Andalucía

Publicado o 13/02/2020 08:20

A coordinadora xeral de Podemos Andalucía, Teresa Rodríguez, non seguirá á fronte de Podemos en Andalucía ao decidir non presentar candidatura para revalidar o seu liderado no partido morado na III Asemblea Cidadá que a formación celebrará o próximo mes de maio, segundo confirmaron a Europa Press fontes da dirección do partido. A líder andaluza centrarase en poñer en marcha Adiante Andalucía, marca que xa rexistrou no Ministerio do Interior o pasado mes de decembro. 

Teresa Rodríguez leva meses traballando para a construción deste suxeito político propio de carácter andaluz, que pretende que siga o ronsel da coalición Adelante Andalucía coa que concorreu xunto a IU nas pasadas autonómicas. A decisión de non seguir á fronte de Podemos Andalucía acordouse o luns pasado nunha reunión celebrada en Madrid á que acudiron a propia Rodríguez, Pablo Iglesias e o secretario Político e de Comunicación de Andalucía, Pablo Pérez Ganfornina, segundo adiantou El País

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí