Mentres duren as restricións, continuarán as axudas directas da Xunta á hostalería. É o compromiso que adquiriu o vicepresidente da Xunta á vista da preocupación dos empresarios do sector, que retomaron as mobilizacións.

"Mentres duren as restricións, a obriga das administracións é seguir axudando. A Xunta vaino facer e esperamos que o fagan as demais administracións, porque isto é un esforzo conxunto, non se trata dun requisito competencial. É competencia de todas as administracións".