Dende hai 30 anos, unha placa decoraba a entrada do comercio confeccións Riande, situado na praza compostelá do Toural.

Aproveitando o toque de queda e a ausencia de xente polas rúas, unha ou varias persoas, aínda sen identificar arrincaron da entrada a lousa que rememoraba a data da inauguración deste pequeno comercio familiar.

Ao valor material suma Jorge, o propietario, a pena polo valor sentimental que tiña para el. 

Aínda que parece que este non foi o único roubo deste tipo. Nas últimas semanas, diferentes establecementos sufriron o furto das súas placas e carteis. 

Neste caso Jorge conta cunha réplica da placa, pero de momento négase a volver a poñela para evitar outro posible roubo.