Prisión provisional comunicada e sen fianza para dous dos catro detidos na operación antidroga que se desenvolveu nas últimas horas na provincia de Pontevedra.

Os outros dous quedaron en liberdade pero, ademais da obriga de compareceren, teñen o pasaporte retirado e non poderán saír do territorio. Os catro están investigados por un presunto delito contra a saúde pública con pertenza a organización criminal.