Principio de acordo do produtor de Hollywood Harvey Weinstein con ducias de vítimas. As aseguradoras do seu estudo pagarían 25 millóns de dólares e el non tería que admitir culpabilidade.

Segue adiante o proceso para o xuízo penal en Nova York, que arrinca o 6 de xaneiro, en que está imputado por unha violación e outra agresión sexual. O produtor, con todo, está preto de liberarse de ducias de xuízos e demandas presentados por máis de 30 mulleres que o acusan desde acoso e abuso ata de violación.