CRTVG

Buscar

Preocupan os atracos a taxistas en Santiago, o último deles a punta de navalla

Publicado o 20/10/2020 21:40

Unha taxista sufriu esta mañá un atraco a punta de navalla mentres viaxaba a Lestedo con dous ocupantes no vehículo. O medo da condutora fixo que optara por tirarse do coche en marcha para fuxir dos asaltantes.

Foi arredor das sete e media desta mañá no Hospital Clínico cando un home e unha muller subiron no coche da taxista compostelá. Pouco despois, o home que viaxaba no taxi sacou unha navalla e comezou a dar ordes e ameazar a condutora

O impulso da taxista foi tirarse do vehículo en marcha para poder fuxir do secuestro.

Agora, afortunadamente, atópase ben e recupérase do susto. 

Un susto que xa non é o primeiro que sofren os taxistas da cidade nas últimas semanas.

Concretamente, nos últimos quince días sufriron un total de cinco atracos, tres deles con arma branca.

Desde o sector din que, ante isto, cómpre tomar medidas urxentes.

Noticias web

20/10/2020