Atención se teñen previsto circular pola estrada comarcal que une a localidade da Estrada con Santiago, a PO-841. Unha vertedura de gasóleo obrigou a pechar a circulación nos dous sentidos dende o polígono de Toedo ata Vea.

Foi despois de que un tráiler saíra fóra da vía contra as seis e media da tarde, e rompera o depósito do combustible.

O gasóleo mesturado coa chuvia provocou varias pequenas saídas de vía, así que pecharon ao tráfico para limpar.

Aínda están a traballar na zona os bombeiros e a policía da Estrada, Protección Civil e o servizo de mantemento das estradas.