CRTVG

Buscar

Pan da Moa celebra o seu 15 aniversario cos mellores panadeiros

Publicado o 24/10/2019 15:14

Pan da Moa celebra o seu 15 aniversario ao grande, invitando os mellores do sector para compartir os seus coñecementos neste obradoiro compostelán.

Guillermo Moscoso, panadeiro de Pan da Moa: "Facemos unha xuntanza de amigos que veñen de España e do estranxeiro, como Jeffrey Hamelman, que vén de América do Norte".

Todos estes amigos, incluído Hamelman, o autor da que se considera 'biblia do pan', están encantados coa experiencia.

Jeffrey Hamelman, panadeiro norteamericano: "Todo o mundo aquí abre o seu libro de receitas e compárteo sen ningún tipo de segredo. É un evento único e extraordinario".

Xavi Barriga, panadeiro catalán: "A nobreza do pan e a nobreza das persoas fan que sexa un evento en que todos estamos como na casa".

Beatriz Echeverría, panadeira madrileña do colectivo A Pepa: "Non hai nada mellor que estar con panadeiros galegos, que teñen moita sona. É un absoluto pracer".

Cada quen fai a súa especialidade, pero todos falan marabillas do pan galego.

Ibán Yarda, panadeiro e xornalista: "O pan galego é a alma do pan en España".

José Luis Miño, panadeiro galego: "A xente cada día valora máis as cousas ben feitas con tempo e que lle dediques responsabilidade. Galicia é unha reserva da biosfera en pan".

Unha reserva que neste obradoiro se enriquece con suculentas elaboracións propias e alleas.

Noticias web

24/10/2019

Máis sobre Santiago de Compostela