CRTVG

Buscar

Os veciños de Caión quedan sen servizo bancario tras o peche da última sucursal da localidade

Publicado o 21/02/2020 14:20

Dispoñer de cartos no peto é cada vez máis complicado en Caión. A surcursal bancaria desta parroquia da Laracha, que ademais contaba con caixeiro automático, botou o peche a finais do pasado outono. Dende aquela, os veciños teñen que recorrer aos bancos dos concellos da contorna, situados a máis de 10 quilómetros.

Polo de agora, a outra solución que lles ofrecen é un autobús que pasa polo concello unha vez á semana para dar servizos bancarios e posibilitar a retirada de efectivo das súas contas.

Os máis afectados son os maiores, que se atopan con máis dificultade á hora de adaptarse aos novos métodos de pagamento.

A partir desta situación, algúns locais da zona xa instalaron terminais de punto de venda (TPV) para cobrarlles aos clientes que o precisen. Porén, en Caión mantéñense á espera dalgunha solución efectiva que lles facilite o acceso a este servizo de primeira necesidade.

Noticias web

21/02/2020