Os taxis e vehículos de transporte con condutor (VTC) poderán prestar servizos de transporte para escolares, persoal sanitario e outros traballadores non conviventes.

A orde publicada no Diario Oficial de Galicia establece que poderán desprazarse tantas persoas como prazas teñan estes vehículos, mesmo a do copiloto. Procurarase, iso si, que manteñan a máxima separación posible e, por suposto, será obrigatorio o uso da máscara.