Aínda coa imaxe na retina da emocionante medalla de bronce de Teresa Portela, que ás nove da noite regresa a Galicia, hoxe podemos celebrar a medalla de prata no K4 500. Un segundo posto que tamén dá o pasaporte para os xogos de Toquio. Un éxito para os galegos Carlos Arévalo e Rodrigo Germade acompañados por Saúl Craviotto e o balear Marcus Walz.

Foi unha final disputadísima que gañaron por moi pouco os alemáns. É a sétima medalla para España neste Mundial de Hungría.