CRTVG

Buscar

Obradoiros, recreacións e visitas guiadas na Mostra de Olaría de Buño

Publicado o 02/08/2019 20:46

No concello de Malpica a cita está estes días na Mostra de Olaría de Buño, festa declarada de interese turístico de Galicia. Ata o domingo a mostra ofrece a posibilidade de coñecer a fondo o traballo artesanal dos oleiros con recreacións, obradoiros de barro, concursos de modelado e mesmo rutas guiadas.

Os pequenos artistas foron os protagonistas da Mostra de Olaría de Buño na tarde deste venres co concurso de modelado.

Na zona de exposición e venda, as casetas das oleiras e oleiros entre os que hai novas incorporacións coma Francisco que retomou o oficio. Vén de abrir obradoiro e a súa obra mestura modernidade e tradición.

A cerámica de Buño tivo a súa época dourada nos séculos XVIII e XIX. Coa aparición de novos materiais no século XX chegou a crise. Nos anos 70 rexurdiu con novos deseños e a irrupción da muller. A día de hoxe Carmen Isabel preside a Asociación de oleiros de Buño.

Este sábado será o día grande da mostra coa recreación da cocedura tradicional dunha peza e por primeira haberá unha ruta guiada.


 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

02/08/2019