20 anos de cárcere. É a pena imposta polo Tribunal Superior de Xustiza de Galicia a Javier Gabarri, do coñecido clan dos Madriles, por reter no seu domicilio unha moza de 25 anos.

Sucedeu hai dous anos cando, ao longo de 19 días, a agrediu sexualmente, a golpeou e a someteu a un trato vexatoiro.

A pena tamén contempla a prohibición de comunicarse coa vítima e unha indeminzación polos danos morais causados.

O tribunal condena tamén os pais e irmáns do agresor a cinco anos por ser cooperadores necesarios dun delito de detención ilegal.