Os exames practicados ao opositor ruso Alexei Navalni no hospital universitario da Charité en Berlín reforzan a idea de que houbo un envelenamento, segundo informou o centro médico.

"Os achados clínicos apuntan a unha intoxicación cunha substancia inhibidora de colinesterasa", segundo asegura o centro médico.

A substancia concreta non puido precisarse aínda, pero o hospital afirma que os efectos tóxicos foron confirmados en varios laboratorios independentes.

Navalni continua en coma pero, segundo o hospital, actualmente a súa vida non está en perigo.