Camiño dos seus setenta anos de historia, o Choco de Redondela competirá por vez primeira na División de Honra xuvenil.

O bo momento chegou coa paralización da competición e cando levaban unha boa xeira de resultados. Pelexaban na cabeza da clasificación e por iso o éxito ten un chisco agre.

Couñago, Bouzón, Mateo Míguez, Rubiñán..., son nomes todos eles da xenética futbolística que acubilla o Choco. Bo fútbol e mellor grupo para chegar agora ao máis alto cos máis novos.

Alberto Suárez, Pablo Couñago e Hugo Álvarez, forman a 'troika' técnica dun proxecto xuvenil que coloca a Redondela na elite.