O vicepresidente da Xunta Alfonso Rueda achegouse esta mañá ata o mosteiro de Oseira para visitar as obras do futuro albergue de peregrinos.

A actuación, orzamentada nun millón de euros, contempla a remodelación do albergue que xa existía no mosteiro pero tamén a construción dunha nova edificación.

Está previsto que no 2021 poida xa recibir hóspedes e estar incorporado á rede de albergues públicos da Vía da Prata.