O 33 % dos contaxios de Galicia concéntranse na área sanitaria da Coruña. Pilar Farjas, membro do comité clínico, explica que na área sanitaria a situación é difícil de controlar debido á alta mobilidade por motivos de traballo. 

A área sanitaria coruñesa ten agora mesmo 1.711 casos activos, 99 menos ca onte. A pesar do descenso de casos, esta área sanitaria segue sendo a que máis preocupa. Os hospitais aínda soportan unha forte presión asistencial.

Os últimos datos do estudo de augas residuais da Coruña advirten dun incremento da carga viral na última semana.