E en segunda, o Deportivo está por fin en zona de ascenso directo xunto ao Alcorcón. O Alcorcón é o líder. Ante o Zaragoza mostrou un excelente fútbol, nivel de competición e defensa organizada. Adiantouse de penalti por mediación do central arxentino Esteban Burgos e aproveitou un erro defensivo do Zaragoza para sentenciar. O dianteiro vigués Jonathan Pereira sitúase entre un central e o lateral para facerse coa pelota e bater a Cristian Álvarez. O Alcorcón é o líder, a tres puntos está o Deportivo. O seu adestrador apela á calma.