Cinco mortes máis notificadas este venres de persoas diagnosticadas de covid-19 elevan a 1.441 os falecementos desde o inicio da pandemia, segundo datos de Sanidade.

Os decesos son os dunha muller de 84 anos que morreu na residencia San Bartolomeu, de Xove (Lugo); un home de 95 no Complexo Hospitalario Universitario da Coruña (CHUAC), unha muller de 89 na residencia Santa Teresa de Jornet, da Coruña; un home de 80 no Complexo Hospitalario Universitario de Ferrol ( CHUF) e unha muller de 93 na clínica viguesa Povisa, onde estaba en planta.

O Sergas indicou que todas estas persoas tiñan patoloxías previas.