CRTVG

Buscar

Galegos atrapados en Nova York pola cancelación de voos da compañía Norwegian

Publicado o 26/09/2019 15:36

Atrapado, así está un grupo de sete vigueses, desde o domingo pasado no aeroporto neoiorquino JFK despois da cancelación do seu voo de regreso a Madrid pola liña aérea norueguesa de baixo custo Norwegian. A compañía non lles dá opción de voar xuntos ata o vindeiro sábado. Non son os únicos afectados, xa que polo menos houbo dúas novas cancelacións de voos con destino a Baraxas.

O enfado viralizouse por redes sociais, onde varios pasaxeiros mostraron a súa indignación. Tamén en Madrid houbo voos cancelados pola compañía con destino a Nova York.

"Estamos secuestrados, estamos secuestrados!".

Este era o monumental enfado dos viaxeiros atrapados este martes en Baraxas. A liña aérea norueguesa alegou motivos técnicos para a cancelación dos voos e non dá cifras de cantas persoas poderían estar afectadas.

Noticias web

26/09/2019