CRTVG

Buscar

Falece unha octoxenaria tras ser atropelada por un turismo en Taboada

Publicado o 22/07/2020 20:48
Falece unha octoxenaria tras ser atropelada por un turismo en Taboada

Unha muller de 88 anos, veciña do concello lucense de Taboada, faleceu esta tarde tras ser atropelada por un turismo.

O sinistro produciuse ás 16.30 horas, no quilómetro 29 da estrada LU-611 (Rubian-Taboada) cando a muller, que saíra do seu domicilio para comprar pan, irrompeu na vía.

Nun principio, resultou ferida grave e foi evacuada en helicóptero ao HULA. Porén, horas máis tarde o centro hospitalario notificaba o seu falecemento.