CRTVG

Buscar

Este venres será día de reencontros cos amigos e familiares tras o levantamento das restricións

Publicado o 03/12/2020 15:05

Máis da metade dos galegos levan semanas sen poder reunirse con persoas coas que non conviven, unha situación que remata mañá.

Cristina vive en Santiago e leva un mes sen poder saír. Estraña moita xente, pero sobre todo os seus avós: "Non vexo as miñas amigas, nin os meus avós, nin os meus pais", di.

O mesmo lle pasa a Manuel, que conta con ver os seus esta fin de semana, iso si, engade que o fará con todas as medidas de seguridade.

Josefa terá aínda que agardar, o seu fillo vive en Carballo, unha das zonas que aínda ten limitación perimetral. "Levamos un mes sen velos, temos moita ganas de velos nós a eles e eles a nós", engade.

O desexo de ver os nosos non pode facernos esquecer os protocolos de prevención. O catedrático emérito de Medicina Preventiva da USC, Juan Gestal, insiste en que aínda que sexan familiares, se non son conviventes, hai que tomar todas as precaución: máscara, distancia de seguridade e ventilación en espazos pechados.

A prudencia e a responsabilidade individual son fundamentais para evitar dar pasos cara a atrás.

Noticias web

03/12/2020