CRTVG

Buscar

Dous feridos nunha colisión frontal entre dous turismos á altura de Oroso

Publicado o 17/11/2019 14:31

Unha colisión frontolateral entre dous coches sobre as seis desta mañá saldouse con dous pasaxeiros feridos. O accidente aconteceu na estrada nacional entre A Coruña e Santiago, á altura do concello de Oroso.

Supostamente, un dos vehículos implicados invadiu o carril contrario e chocou contra outro turismo que se dirixía cara ao aeroporto da Lavacolla. Neste último viaxaban tres persoas. Dúas delas quedaron feridas con diversas lesións e foron trasladas a un centro hospitalario.

O condutor que invadiu o outro carril quedou ileso. O Destacamento de Tráfico de Santiago de Compostela investiga o accidente, que, inicialmente, puido deberse a unha distracción.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

17/11/2019