Duro balance da primeira operación saída do verán. Doce persoas faleceron nas estradas esta fin de semana, unha en Galicia. A vítima é un mozo de tan só 21 anos, de Friol. Ía cun amigo, que resultou ferido leve, cara á zona de copas de Melide. Perdeu o control do volante nunha recta e percorreu varios metros por unha leira ata golpear cun coche que estaba aparcado. Hai uns anos, nese mesmo lugar faleceron catro mozos, tamén de Friol, noutro accidente terrible.