A investigación iniciouse no confinamento cando a Policía tivo coñecemento de que unha vivenda de Valadares, en Vigo, podería usarse como local de alterne. Tras localizaren o inmoble, descubriron que varias mulleres estarían exercendo a prostitución. Dúas das vítimas conseguiron escapar.

Grazas á declaración desas dúas mulleres, os axentes descubriron a existencia dunha terceira vítima que foi auxiliada polos investigadores. Os axentes realizaron un control e localizaron o responsable dos feitos.

O home foi detido pola Policía Nacional e impútanselle delitos relativos á prostitución.