Detido e encarcerado un home na localidade sevillana de Dos Hermanas acusado de secuestrar e violar a súa irmá durante varios meses.

A vítima vivía en Francia e levaba 20 anos sen ver o seu suposto agresor. A muller viaxara a Sevilla para arranxar unha documentación, o que aproveitou o seu irmán para retela e sometela a todo tipo de agresións sexuais.

Segundo a policía, o home ten un amplo historial delituoso. Foi outra irmá a que axudou a vítima a fuxir do seu cativerio.