CRTVG

Buscar

Deteñen o home acusado de regar con sosa cáustica unha muller e a súa filla menor

Publicado o 01/07/2020 11:45
Deteñen o home acusado de regar con sosa cáustica unha muller e a súa filla menor

Os Mossos d'Esquadra detiveron este mércores o home acusado de agredir o luns con sosa cáustica a unha muller e a súa filla de 5 anos en Sant Feliu de Guíxols, en Xirona. 

Nai e filla ingresaran no hospital Vall d'Hebron de Barcelona con queimaduras graves provocadas por sosa cáustica, segundo indicaron fontes hospitalarias. 

O Xulgado de Instrución 3 de Sant Feliu de Guíxols investiga a agresión e xa ditou unha orde de protección para as dúas, segundo o Tribunal Superior de Xustiza de Cataluña.