CRTVG

Buscar

Desartellan unha organización que roubaba e despezaba coches

Publicado o 08/11/2020 11:55

Axentes da Garda Civil lograron desmantelar unha organización especializada no roubo e despezamento de vehículos na zona sur de Madrid. O grupo contaba con naves e empresas de despezamento en Parla, Fuenlabrada, Alcobendas, Humanes e Torrexón de Ardoz.

A Garda Civil detivo na operación Gran Manzanal sete homes de orixe española, magrebí, romanesa e paraguaia polos supostos delitos de pertenza a organización criminal, roubo continuado de turismos, ocupación de bens inmobles, receptación ou desobediencia grave á autoridade.

O líder da rede, cunha estrutura piramidal, era un empresario español, con negocios legais que nada tiñan que ver co mundo do automóbil. A zona de actuación, onde desempeñaron unha gran cantidade de feitos delituosos, era a periferia de Madrid. Tamén houbo roubos en Illescas e Seseña, en Toledo.

 

Noticias web

08/11/2020