Outra das actividades que se vai ver afectada polo endurecemento das medidas é a práctica de deporte non federado.

As cousas cambian, e moito, a partir do sábado, especialmente para a práctica de deportes en espazos pechados. Nos ximnasios e pavillóns dos 60 concellos pechados perimetralmente só se poderá realizar deporte de xeito individual e coa compañía dun monitor sempre que se garden as distancias interpersoais.

Quedan, logo, prohibidas as actividades en grupo dirixidas por un monitor. 

En espazos abertos a actividade deportiva tamén será individual a non ser que se trate de persoas conviventes.

Nos concellos alleos ao peche perimetral, o número de persoas para facer exercicio limítase a seis, xa sexa en exterior ou nun recinto pechado.