Xa está no Parlamento a lei anunciada polo Goberno galego para simplificar os trámites para a creación e xestión das empresas. Esperan que quede aprobada no mes de marzo.

A lei inclúe a posta en marcha dunha oficina para apoiar proxectos empresariais, con asesoramento e novas vías de financiamento.

Haberá incentivos fiscais para empresas en zonas máis afectadas pola crise. Tamén se van eliminar moitos trámites administrativos innecesarios. 

"É unha norma que busca eliminar calquera burocracia prescindible, para que a Administración autonómica se converta nunha aliada e non nun atranco tanto para cidadáns como para empresas", dixo Valeriano Martínez, conselleiro de Facenda.