CRTVG

Buscar

Casado defende manter a coalición PP+Cs en próximas convocatorias electorais

Publicado o 25/02/2020 13:16

En clave electoral, Pablo Casado cre que o pacto acadado con Ciudadanos en Euskadi para concorrer en coalición co PP debe ser o inicio dunha liña a seguir no futuro. O centro dereita, di, non pode quedar fóra do goberno se volve sumar máis votos que a esquerda.

Casado fixo estas afirmacións despois de reunirse durante aproximadamente media hora co presidente da Xunta de Galicia e candidato á reelección, Alberto Núñez Feijóo, quen protagonizou en Madrid un almorzo informativo.

Unha reunión que se produciu despois da dimisión do líder dos populares vascos, Alfonso Alonso.

Casado apostou por "volver aglutinar o espazo do  constitucionalismo" e declarou respecto diso que non quere "esperar a unha terceira ocasión".

"Temos que ir xuntos cando se convoquen as próximas eleccións xerais, e estas eleccións anticipadas en Galicia e no País Vasco eran un paso fundamental para chegar a ese obxectivo", engadiu.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

25/02/2020