Carmen Calvo di que Salvador Illa non vai dimitir ata que se coñeza a data definitiva das eleccións catalás. Como o tribunal deberá pronunciarse o oito de febreiro, o ministro de Sanidade continuaría no cargo durante o inicio da campaña. En cambio, fontes de Moncloa aseguran que Illa dimitirá o próximo xoves.

"Cumprimos a legalidade do noso país. Cando haxa unha data definitiva das eleccións, o noso candidato fará campaña sen ter ningún cargo, seguramente os demais farán campaña tendo cargos", dixo a vicepresidenta Carmen Calvo.