CRTVG

Buscar

Buscan sen éxito durante todo o día o home que caeu ao río Tambre en Sigüeiro

Publicado o 11/12/2019 20:56

O home caeu ao río na zona da illa do iefuxio, nas proximidades de Sigüeiro. Segundo parece, algunhas das persoas que o viron caer intentaron rescatalo, pero foi imposible porque o río baixa con moita auga e a corrente é moi forte.

Na súa busca participaron desde primeira hora efectivos de Protección Civil, Garda Civil e Policía Nacional. A primeira hora da tarde incorporáronse efectivos da Axencia Galega de Emerxencias con drons e un vehículo anfibio, na zona da Barciela. Tamén se achegou ao lugar unha ambulancia despois de que a policía recibira unha chamada alertando da localización dun corpo, pero resultou ser unha falsa alarma.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

11/12/2019