CRTVG

Buscar

Arte para as paredes esquecidas de Vigo

Publicado o 03/09/2020 22:02

Este programa municipal comezou en 2014, e, cando os 16 novos murais estean rematados, haberá un total de 84 obras de arte ao aire libre repartidas por toda a cidade. Artistas tan internacionais como os galegos Lula Goce, xa por segunda vez, e Darío Basso están a dotar de significado algunhas desas paredes que quedaron orfas entre edificio e edificio no tecido urbano.  

Onde unha parede pechaba o horizonte, aparecen perspectivas inéditas.

A luz e a arte regalan unha segunda oportunidade a estes cruzamentos de camiños na colmea viguesa. Abundan os motivos mariños e as homenaxes, como este mural dedicado ás escritoras galegas ou estoutro ao festival de deporte urbano O Marisquiño. Lula Goce, que repite presenza, é unha das 16 participantes na sexta edición do programa municipal Cidade de cor.

Desta volta, o maxín da artista de Baiona gabeou dez andares arriba a carón do mercado das Travesas.

Neste 2020, 16 novas pinturas murais incorporaránse a esta galería en espazos públicos.

Noticias web

03/09/2020