CRTVG

Buscar

Arden preto de dez hectáreas en Punta Couso, en cangas do Morrazo

Publicado o 07/09/2019 21:14

Isto que ven é unha propiedade privada na que hai construídas arredor da ducia de vivendas. Chámanlle a Punta Couso, fronte á costa da Vela, e pertence á parroquia do Hío, en Cangas do Morrazo.

Despois das doce do mediodía, varios propietarios alertaron o 112 de que comezaba a arder preto dun pequeno piñeiral moi seco e moi combustible, e sobre todo preto de dúas casas. Esta foi unha das que estivo a piques de arder. Os donos non estaban na zona. Chamounos unha veciña. O burato do tellado provocoullo o peso daga, 5.000 litros, do cazo do helicoptero apagalumes.

O traballo dos bombeiros, da Garda Civil, de Protección Civil de Cangas, e os medios dispostos: sete brigadas, catro motobombas, tres helicópteros e un avión anfibio de gran capacidade fixeron posible controlar as lapas antes de entraren no piñeiral e sobre todo sen que afectasen as vivendas. Arderon case dez hectáreas de terreo. O lume está extinguido, pero os veciños dinnos que quedarán atentos toda a noite porque este vento do nordés é propicio para reavivar o lume.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

07/09/2019

Máis sobre cangas