Nas últimas tivemos coñecemento de varios gromos relacionados con festas, botellóns e ocio nocturno. Iso fixo que se estremasen os controis. En cidades universitarias, como Santiago de Compostela, desaloxaron 28 pisos na noite do xoves ao venres. A Policía Local tamén tivo que actuar para disolver varios botellóns na carballeira de Santa Susana.

Esa mesma noite, os axentes sorprenderon no interior dun pub a un cento de persoas bailando sen máscara e sen respectar a distancia de seguridade. A Policía Local asegura que había clientes consumindo na barra, pese a que está prohibido polas restricións que rexen en Santiago para evitar a expansión do coronavirus.