O comité de empresa de Alcoa San Cibrao reunirase esta tarde con Inspección de Traballo en Lugo.

O ere que quere aplicar a multinacional estadounidense estivo moi presente no quinto congreso da Federación de Industria de UXT.

Desde este sindicato piden seguir presionando a Alcoa para que venda na Mariña. E mesmo apostan por unha solución global que inclúa tamén as factorías da Coruña e Avilés, vendidas a Alu Ibérica.

Caballero di que o ere non ten seguridade xurídica e Feijóo lembra que o Goberno central se comprometeu a intervir a factoría

Hai reaccións políticas tamén. Gonzalo Caballero pídelle á autoridade laboral que rexeite o ere por non ter, di, seguridade xurídica.

"Ese ere non ten os mecanismos de seguridade xurídica para que poida ser aceptado, porque Alcoa actuou de mala fe. E nesa liña abrimos unha liña para paralizar a decisión de Alcoa de marchar de San Cibrao", dixo o secretario xeral do PSdeG.

Sobre Alcoa tamén falou o presidente da Xunta. Feijóo lembra que o Goberno central se comprometeu a intervenir a factoría de San Cibrao se fora necesario, pero tamén apunta que levamos meses sen estatuto que garanta un prezo competitivo da luz para as empresas electrointensivas.