A Asociación de Industriais Metalúrxicos de Galicia, Asime, e o buscador de emprego Infojobs asinaron un acordo para publicitar a demanda de profesionais das empresas do sector, que a patronal cifra nuns 2.000.

Os responsables das empresas de ámbito industrial poderán beneficiarse a través de Asime da publicación de ofertas en InfoJobs coa axuda de 'ePreselec', xestor de procesos de selección deseñado para axilizar, centralizar, optimizar e fidelizar o talento, segundo informa o portal nun comunicado.

A web de Asime xa dispón dunha sección específica en que se publican ofertas de emprego e realízanse servizos de intermediación laboral a través do departamento de orientación, formación e emprego.