Esta tarde soubemos que Abanca fixo unha doazón a Galicia de catro lectores clínicos que analizan 25.000 tests diarios de COVID-19.
A súa posta en marcha axilizará o tratamento dos pacientes e a extracción de plasma sanguíneo con anticorpos para tratar outros enfermos de coronavirus. Tres dos equipos están xa instalados en hospitais do Sergas e o cuarto chegará nos vindeiros días. O material forma parte dun pedido de máis de 500 equipos de alta tecnoloxía adquiridos pola entidade financeira para ampliar os recursos dos hospitais públicos galegos fronte á pandemia.