Resposta da Xunta Electoral de Galicia á demanda da Marea Galeguista de que adoptase medidas para asegurar o desenvolvemento normal da xornada electoral na Mariña.

A Xunta Electoral di que non lle corresponde pronunciarse sobre unha hipotética suspensión dos comicios nesa comarca. E engade que, mentres as actividades administrativas, económicas e sociais se desenvolvan con normalidade, non entende afectadas as condicións do proceso electoral, a salvo do que poidan acordar, chegado o caso, as autoridades sanitarias.