CRTVG

Buscar

A industria mar-alimentaria, pendente da lei do cambio climático

Publicado o 09/10/2020 15:44

A Dirección Xeral de Costas fixou o vencemento da concesión do grupo Tres Mares en abril do ano que vén. Agora rectifica e amplía este período ata o ano 2056.

Para a empresa situada en Lires desde 1961 supón un balón de osíxeno que permitirá dar viabilidade aos seus investimentos.

Desde o Goberno galego celebran a noticia, pero lembran que aínda quedan moitas industrias pendentes dos períodos concesionais.

A conselleira do Mar insiste en que se retire da proposición de lei de cambio climático o artigo que fai alusión á permanencia da industria alimentaria no litoral.

O Ministerio de Transición Ecolóxica aplica un criterio distinto coa empresa Stolt Sea Farma e dálle un prazo dun ano para o peche da súa planta de Palmeira.

Desde o sector insisten en que este tipo de decisións crean incerteza no sector.

Reiteran a necesidade destas empresas de realizar a súa actividade ao lado do mar e piden unha normativa clara.

A proposición de lei está en período de emendas. Mentres, un centenar de empresas galegas agardan a decisión do Goberno central para coñecer o futuro das súas empresas.

Noticias web

09/10/2020