CRTVG

Buscar

A Garda Civil reconstrúe cun láser un accidente mortal en Vilanova de Arousa

Publicado o 23/12/2020 17:00

Son os membros dun dos equipos de reconstrución de accidentes de tráfico da Garda Civil en plena faena.

Están recollendo datos cun scaner-láser para poder reproducir máis tarde no ordenador coa maior exactitude e en tres dimensións o lugar dun atropelo ocorrido hai un mes en Vilanova de Arousa, co resultado dunha persoa morta.

Os datos recollidos co láser complétanse con fotos do lugar e as probas acumuladas durante a primeira inspección visual.

"O que se fai é reconstruír o escenario real, ese escenario real trasládase ao gabinete e a través de programas informáticos emítese un informe pericial que se pon a disposición da autoridade xudicial cómo supostamente ocorreu o accidente", explica o tenente Juan José López Castro, da Garda Civil de Pontevedra.

É un traballo meticuloso e complexo para intentar incluír ata o máis mínimo detalle e aproximarse o máximo posible ás circunstacians exactas do accidente.

"Un informe pericial suxeito á libre valoración da autoridade xudicial, polo tanto será esta a que en último caso confíe ou non neste informe pericial", di o tenente Castro. 

Este mesmo equipo elaborará informes periciais sobre outros dous accidentes mortais ocorridos este ano en Covelo e Cangas.

Noticias web

23/12/2020