O sector pesqueiro en Europa bate récords de vendas grazas, en certa medida, á expasión da industria galega. A actividade supera por vez primeira en España os 6.000 millóns de euros de facturación. E nesas cifras a área de Vigo ocupa un lugar destacado.

Os motivos a este recoñecemento están nun importante investimento que superou o pasado ano o 50%, o que se traduciu en novos postos de traballo para seguir asegurando así a súa presenza nos caladoiros máis importantes do mundo.

Con todo, enfróntanse a grandes retos neste iniciado 2020. Falamos do brexit, das cotas a nivel comunitario ou mesmo do cambio climático.