Verbas van
Compartir en Facebook

Concurso herdeiro do legado de “Cifras e Letras”, baixo a batuta de Paco Lodeiro e con Jorge Mira e María Canosa como colaboradores expertos en ciencias e en letras respectivamente.

 Neste novo formato, que se emite de luns a venres a partir das 13.15 h., dous concursantes enfróntanse para poñer a proba os seus coñecementos de cultura xeral e as súas aptitudes coa linguaxe e co cálculo.

 O concursante escolle entre dúas palabras propostas polo presentador e decide así o sobre que contén as preguntas. Cada un afronta cinco probas seguidas: descubrir tres palabras - de 7, 8 e 9 letras - relacionadas co tema do día do programa, unha pregunta de ciencias e unha batería de cálculos numéricos. Nestas probas, canto antes se conteste máis puntos se suman e hai ademais posibilidade de rebote para o contrincante se o concursante falla.

 Unha vez rematada a quenda de cada concursante, ambos os dous enfróntanse no “Man a Man”, onde é crucial a rapidez activando o pulsador, sempre e cando se teña a resposta axeitada, porque, senón, os puntos son para o rival. Esta fase consta de dúas probas: unha de Letras, “Verba vén”; e outra de Ciencias, “Botacontas”.
 
 A continuación, chega o panel final, “Chegar e Encher”, onde cada concursante debe resolver a súa columna de seis palabras, das que aparecen as dúas primeiras letras, tras escoitar as correspondentes definicións. Esta proba final pode cambiar absolutamente o resultado, xa que a puntuación que se pode obter é moito maior que nas dúas primeiras fases. O concursante que consiga sumar máis puntos en total obtén 500 € e a permanencia no concurso.

Valoración
  • 3,5384615384615
  • 1
  • 2
  • 3
  • 4
  • 5
Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí
josemanuel42 #1
22/04/2014 20:21:29
Magnífica entrevista a la artista plástica Chelo Matesanz, y me gustó la visita al estudio de la pintora Soledad Pite.