Mareas Vivas está ambientada nunha vila mariñeira ficticia, Portozás, e conta a vida cotiá dos seus habitantes e os sucesos que veñen romper a tranquilidade habitual do lugar.A Televisión de Galicia e a División Audiovisual do Grupo Voz producen esta serie que dirixe Antón Reixa e interpretan Miguel de Lira, Sabela Blanco, Luís Zahera, Mela Casal e Tuto Vázquez, entre outros.

Entre os debutantes destacan Xoaquín Caamaño e María Louro, así como os nenos Patricia Fernández e Santiago Romay, todos escollidos despois dun minucioso proceso de selección en Laxe e na Coruña.

Como invitados especiais destacan Xosé Ramón Gayoso (presentador da TVG), Arsenio Iglesias (ex adestrador do Deportivo e do Real Madrid) e Carme Avendaño (presidenta da asociación Érguete de loita contra a droga).