Todo o mundo ten unha historia. “Historias Mínimas” confórmase coa realidade de xente común, captada na rúa e sen ningún tipo de guión previo. O único requisito é que os testemuños que se contan sexan todos verdade e resultasen transcendentes para quen os viviu. 
7 persoas relatan en menos de catro minutos a experiencia que máis as marcou. Protagonistas descoñecidos, situados en lugares espectaculares, amosan o que é a vida a través das súas propias experiencias. 
Con “Historias Mínimas” a audiencia descubrirá un programa de confidencias como nunca antes se fixera: ao aire libre, percorrendo Galicia cunha alfombra, unha mesiña de noite e unha cadeira.