Foro Aberto
"Foro Aberto" é un programa de debate feito cos criterios de servizo público, que toma como referencia a actualidade e a pluralidade social. Iniciou en setembro a súa segunda tempada presentado por Carlos Luís Rodríguez e potenciando o debate e a confrontación, cunha estrutura máis dinámica e amena.
"Foro Aberto" ofrecerá en cada edición tres bloques temáticos abertos a debate, que abranguerán unha gran variedade de temas, desde os de carácter social ata os estritamente políticos, pasando polos de interese humano. Nos debates participarán políticos, axentes sociais, comentaristas, analistas e todas aquelas persoas que teñan algo que dicir sobre o tema a tratar, configurando así un panel de debate plural e compensado.
En cada programa haberá catro tertulianos e ademais, como novidade nesta tempada, intervirán dous políticos en activo que debaterán sobre calquera das cuestións formuladas.
Outras tempadas de Foro Aberto en Máis Á Carta
Horas de emisión:
- 23:30 / 00:45
- 22:45 / 23:45
- 02:30 / 03:30
- 08:30 / 09:45
- 10:00 / 11:15
Galería de imaxes
