CRTVG

Sección que a Galega emite antes de cada capítulo de Matalobos, dedicada á estrutura de Postos de Mando da Garda Civil en Galicia.  

Xusto antes do capítulo de “Matalobos”, emítese“15 Zona: Un día de garda”, guiado por Juan Fuentes, que acompaña cada semana os distintos efectivos da Garda Civil nunha xornada de traballo.

As vivencias de tres mozos e unha moza duns vinte anos que comparten un piso de estudantes nunha cidade calquera

Telenovela colombiana que relata a historia de Patricia Cruz, unha muller cun pasado dramático convertida agora nunha vaqueira recia.

A acción céntrase na casa dunha viúva acomodada, a señora Pita. A vivenda convértese, por diversas circunstancias, no fogar de xente moi diferente.

Serie documental sobre a Segunda Guerra Mundial

Estamos na primavera de 1982, cando Sara, unha muller xermano-oriental, nai de dúas nenas, Silvia e Sabine, que vive e traballa na cidade de Erfurt, vai contraer matrimonio co seu colega Peter.

Na vila mariñeira de Sada, cinco mulleres moi distintas quedan unidas polo naufraxio en que os seus homes perden a vida. Sofía, Aurora, Lucía -a muller do patrón-, Renata e Marta - a filla do armador-, crean xuntas a vida despois da traxedia.

Unha historia de amor, odio e vinganza nun escenario de luxo, suntuosas mansións, fermosas vistas ao mar, praias e edificios abraiantes e xente guapa da cidade de Miami.

As Leis de Celavella é a primeira serie de intriga ambientada na Galicia de principios do século XX que emite a TVG . A serie, de estilo costumista, retrata un grupo humano cheo de posibilidades dramáticas e de comedia.

A vida dun grupo de mozos e mozas que estudan na escola de Hostalería e as súas relacións con pais e profesores son os temas de Avenida de América, que foi a primeira serie producida integramente pola Televisión de Galicia.

Un profesor de química, a quen lle diagnostican un cancro terminal de pulmón, decide darlle unha volta á súa vida e, para asegurar o futuro da súa familia, embárcase nunha carreira no mundo da droga e do delito.

Produción estadounidense, creada e producida por Vince Gilligan, con Bryan Cranston e Aaron Paul, como protagonistas.

Sitcom galega con 5 mulleres como protagonistas: Rosa Álvarez, Elina Luaces, Teté Delgado, Mela Casal e Dorotea Bárcena. A serie sitúa ás cinco mulleres no centro sociocultural dun barrio urbano para xogar ás cartas, á ‘escoba’, concretamente.

A serie xira en torno á fábrica ourensá da familia Sueiro, propietarios dunha próspera empresa téxtil: Fíos. Amador Sueiro foi o seu fundador, que converteu a empresa no que é partindo dunha modesta xastrería. Agora, xa retirado, deixa o negocio nas mans de seus fillos, Antón e Lois.