CRTVG

Distintos escenarios do verán galego servirán para revivir con máis forza as claves da nostalxia convertida en música e en recordos de toda unha vida.

Alalá relaciona a música tradicional galega e outras formas de patrimonio oral co contorno social e laboral, para non equecer este valor cultural.

"BAMBOLEO" é un programa con música e baile, presentado por Xosé Manuel Piñeiro. No estudio de gravación distínguense cinco sets, cunha presenza de público próxima ás 200 persoas, e diferentes actuacións con artistas das máis variadas procedencias e experiencia.

En pleno meridiano do Nadal, a TVG achega un espectáculo musical centrado na figura dun dos grandes da nosa música, Juan Pardo, que se poderá ver nalgunhas das súas máis coñecidas actuacións, como con Rocío Jurado, e gozar das novas versións dun artista que xa é un clásico da historia da música.

Programa de música, producido por Casa de Tolos. Un espazo onde os protagonistas serán os grupos e as salas pertencentes á Rede Galega de Música ao Vivo.

No aniversario da morte de Ana Kiro, a Galega lembra a artista coa emisión do documental "Días sen Ana" e da gala homenaxe, realizada en 1996, "Toda Unha Vida".

Espazo musical que presentan a cantante Lucía Pérez, representante de España en Eurovisión 2011, e o tamén cantante e actor Sergio Zearreta.

Na nosa tempada número 20, Luar estrea presentadora. A gañadora da primeira edición do concurso “Recantos”, Maret, vai presentar xunto con Xosé Ramón Gayoso un programa que recuperará seccións destacadas da súa historia, ao tempo que introduce novidades substanciosas.

Uns minutos de jazz para as noites da Galega.

Programa que pon en valor o traballo dos músicos das orquestras e o oficio do músico de verbena.

A través deste espazo de música clásica os espectadores poden asistir aos concertos das grandes formacións do panorama actual.

Programa dedicado á música clásica. Ofrece concertos e actuacións deste xénero musical.

Baixo a dirección de Xosé Manuel Martín, Paula Señarís e Alicia Lombán introdúcense no mundo das tunas e das orquestras de pulso e púa. As reporteiras estiveron de rolda polas rúas compostelás e coruñesas coas tunas universitaria de Santiago e a de veteranos da Coruña.

 Con máis de 120 anos de historia, a Festa das Pepitas celébrase na noite do 18 ao 19 de marzo, un día en que os ferroláns, armados das súas guitarras e outros instrumentos musicais van roldar baixo os balcóns das casas das mulleres. Paula e Alicia estiveron de rolda coa Rondalla Añoranzas, a de Santa Uxía de Mandiá, formada por mulleres e a tuna de Mos, que se caracteriza por levar abandeirados e majorettes, que desfilan ao ritmo da música tradicional.

 Por último, as reporteiras viviron o renacer musical do Barco de Valdeorras coa Banda de Música Municipal, os dous coros, a banda de gaitas, o grupo de corda e voz Son do Sil e coa orquestra do Liceo Casino de Vilagarcía de Arousa.